Era celebracion des aniversaris ei un moment plan important tara mainadèra e es sues familhes, pr’amor qu’ei era manèra de rememorar eth dia deth sòn naishement. Pendent aguest dia, es petiti experimenten ues vivéncies e ues emocions que van amassades en ambit familhar e, des dera escòla, consideram que principaument auem de deishar aguest pes dera celebracion dera hèsta laguens deth contèxte familhar. Damb aguesta desicion cercam promòir ua educacion igualitària e inclosiva. Volem acompanhar as infants en sòn desvolupament e açò compòrte tanben verbalizar, tant es accions qu’acompanhen era celebracion coma es sentiments e emocions que generen.
