En infantila, dus dies ara setmana trabalham per cornèrs internivèus, aquerò vò díder, que trabalham per grops d’alumnes d’edats entre es 3 e 5 ans.
Es cornèrs qu’auem plantejat aguest cors son: de motricitat fina, vida practica, lectoescriptura, matematiques, grafismes e copacaps.
Era mainadèra quan arribe en aula, se trape eth materiau prèst. Eri, escuelhen on vòlen anar. Era consigna ei: non se pòt cambiar de cornèr enquia qu’eth relòtge de sable non age acabat. Un còp, s’acabe eth temps, cau arremassar ben, tà qu’eth mainatge o mainada que vengue a hèr era activitat se la trape en bones condicions.
Causes positives de trabalhar per cornèrs internivèus:
- Eth hèt de convíuer damb persones d’edats desparières apòrte riquesa ar alumnat, tant a nivèu verbau (de lenguatge), com a nivèu personau. Cadun apòrte solucions diferentes e visions desparières a ua madeisha qüestion. Per contra, auem observat que, damb eth pas deth temps, van descorbint as auti companhs/es, descorbissen eth respècte pes auti e eth valor dera generositat.
- Com a mèstres d’educacion infantila valoram aguesti cornèrs molt positivament per toti aguesti valors, que pòc a pòc van aportant as petits e petites dera escòla, ar ambient calmat que i a quan trabalham atau e com gaudissen.
