Aué dimars, es escolans de cicle superior an recebut era visita de Jorge, un tecnic de HEPIC.
HEPIC ei un centre de desvolupament d’activitats empresariaus en nòste territòri, que vò ajudar as emprenedors a bastir es sues empreses e facilitar era sua metuda en foncionament.
Er escolanat a escotat damb atencion es explics de Jorge, que mos a expausat de forma clara e precisa qué ei aquerò que mos cau entà bastir ua empresa.
Era mainadèra de cicle superior, pendent aguest trimèstre, a compdar deth programa FER, a de bastir ua empresa. Eth senhor Baile, Amador Marqués, venguec en centre en tot lançar-mos un rèpte, coma poderíem estauviar energia, pr’amor qu’es despenes economiques der Ajuntament, tant es de electricitat com es de gasòil èren fòrça elevades. Er escolanat acceptèc eth rèpte e decidic bastir ua “Consultoria mèdiambientau” entà poder assessorar ar Ajuntament e arténher, atau, ua escòla mès sostenibla.
A compdar des explics de Jorge auem es causes mès clares e mos metem a trebalhar entà bastir era nòsta empresa.
Contunham en tot apréner e trabalhar…
