Aguest Sant Jòrdi, com ja ei tradicion, cada escolan/a deth centre s’a emportat un libre coma present dera escòla entà seguir en tot fomentar eth gost pera lectura. Tanben an pogut emportar-se en casa es manualitats qu’an premanit aguesti dies damb illusion e un punt de libre fòrça especiau, aufrit pera ZER.
Ager viuérem ua jornada fòrça especiau. Toti es escolans/es deth nòste centre pugèrem tà Salardú entà trobar-mos damb era rèsta d’escolans/es dera ZER. Amassa compartírem ua estona plea de complicitat, arridalhes e activitats, en tot celebrar era jornada de Sant Jòrdi d’ua manèra fòrça simbolica.
Com que Sant Jòrdi ei tanben eth dia der amor e era amistat, volérem deishar-i ua petita emprenta. En tot seguir era tradicion d`’auti endrets, pengèrem laci damb es nòsti nòms en pònt der amor, en tot crear un murau viu e colorit que simbolize es ligams que mos amassen. Gràcies a toti qu’ac hèren possible!
Aué, jornada de Sant Jòrdi, auem agut ua visita fòrça especiau ena escòla. Era mèstra Alba Orrit a vengut a explicar-mos un conde alternatiu de Sant Jòrdi, plen d’imaginacion. Ath delà, a compartit cançons damb es escolans/es, qu’an participat encantadi en tot tocar estruments de musica e en tot acompanhar es istòries damb fòrça ritme e entosiasme. A estat ua activitat fòrça polida que a combinat literatura, musica e creativitat. Gràcies, Alba, per hèr-mos víuer un Sant Jòrdi diferent e fòrça especiau!
Era diada de Sant Jòrdi ei ua hèsta especiau ena escòla. Eth dia 22 pugèrem a Salardú entà hestejar eth CondeZER damb era rèsta d’escolans/es des centres dera ZER. Ath delà dera balhada de prèmis literaris e de diboish se hèren talhèrs de manualitats de… Llegeix més»
Vos presentam eth vidèo de Sant Jòrdi dera escòla.
Un cors mès es escolans/es dera ZER an hestejat Sant Jòrdi toti amassa. Peth maitin an hèt talhèrs de manualitats diuèrses e s’an despartit es prèmis as guanhadors/es deth Conde Zer. Dempús an baishat caminant enquia Arties tà minjar en parc e gaudir en poliesportiu… Llegeix més»
Diuendres 22 d’abriu, dempús de diuèrsi corsi, auem pogut recuperar era activitat de hestejar Sant Jòrdi totes es escòles dera ZER amassa. En aguest cas mos trapèrem ena escòla Loseron d’Arties e dempús d’un concèrt de musica s’autregèren es prèmis deth Conde ZER, prèmis de… Llegeix més»
Planvoludes familhes,
Es alumnes dera escòla, tant petiti coma grani, auem passat ua jornada ben diferent en tot celebrar era festivitat de Sant Jordi. Auem hèt diferents talhèrs: de manualitats, de teatre, de narracion, de cançons e, de diboish, que mos a permet gaudir e hèr… Llegeix més»
