Planvoludes familhes,
Dempús d’aguest periòde de confinament des des diuèrses escòles que formam era ZER vos volem enviar fòrça anims e desirar-vos que toti vosati e es vòstes familhes agegatz salut.
Volem informar-vos qu’enes darrères indicacions deth Departament, eth dusau trimèstre se dèc per acabat eth passat dia 13 de març. Eth periòde deth 13 de març ath 14 d’abriu, non se considerarà un periòde avaluatiu, ei a díder, non ei un periòde lectiu ne qualificable.
Respècte ath dusau trimèstre, es escolans seràn avaluadi de tot çò qu’an hèt enquiath 13 de març. Era balhada de nòtes se harà enes dues prumères setmanes de tornada ath centre ( tostemp qu’açò sigue possible). En cas contrari demoraram es indicacions deth Departament.
En un principi eth tresau trimèstre començarà eth 14 d’abriu, aguest periòde se començarà en procès de confinament, des des centres s’està trabalhant entà poder garantir era egalitat d’oportunitats entà toti es escolans, pr’amor qu’auem fòrça casolistiques.
Entà poder premanir çò melhor possible aguest periòde, vos demanam que aumpligatz eth petit questionari e lo retornetz ath corrèu deth centre çò mès lèu possible.
Tanben vos informam qu´aguest cors, per motius deth confinament non se haran es colònies. Es sòs se vos retornaran, tan lèu mos sigue possible.
Vos damb ua fòrta abraçada e molti anims pendent aguest confinament, era ZER Val d’Aran èm ara vòsta disposicion entà ajudar-vos e acompanhar-vos en tot lo possible.(c5007931@xtec.cat)
Salutacions,
Equip directiu dera ZER Val d’Aran.
ENQUESTA A RETORNAR ARA DIRECCION DETH CENTRE
