Era escòla Ruda participe tamb eth projècte; Escòles en dança tara inclusion, tamb er objectiu de promòir era participacion de tota era comunautat educatiua tamb er escolanat com a protagonista.
Aguest projècte a coma finalitat transformar es escòles en entorns inclusius a compdar d’ua perspectiua integradora.
#centresendançatarainclusion #centresendansaperlainclusio
Un an mès, eth dia 22 d’abriu hérem eth codeZER de Sant Jòrdi toti amassa en Salardú. Peth maitin se héren per cicles talhèrs de manualitats e en acabar esdejoèren còca tamb chicolate. Ara seguida s’autregèren es prèmis literaris e de diboish deth concors. Moltes felicitats a toti es guanhadors e guanhadores! .
Eth dia 23 ara tarde, ena sala polivalenta era AFA premanic ues paradetes de ròses e libres e tanben aufric un vrespalh. Era mainadèra tanben participèc tamb ua paradeta de punts de libre e manualitats hètes per eri. Es escolans/es de cicle superior participèren en un recitau de Haikus.
E entà acabar toti e totes poderen gaudir dera òbra de teatre: “La llibreria màgica” .
Sigueren dus dies fòrça polidi!
Eth diuendres, es escolans e escolanes pendent eth maintin realizèrem un talhèr de pintura tamb er artista Nil Nebot. Gaudirem d’ua session artistica en bòsc a compdar d’elements naturaus.
Coma cada an acabam eth trimèstre en tot dromir ena escòla tamb toti es companhs e companhes. En arribar sopèrem pizza e ara seguida comencèrem uns jòcs e ues activitats peth bòsc premanudes per Ramiro Aibar, en tot cercar desparièrs gahusi e explicar es sues caracteristiques mès importantes.
Peth maitin, esdejoèrem e per grops premanirem tamb chicolate era mona de Pasca. Quedèc bonissima!!
Passèrem un finau de trimèstre fòrça divertit e plen d’anecdòtes!
Eth dimars, 12 de març es escolans/es pugèren tà Beret tamb es sues luges e tanben realizèren era activitat tamb es cans,en tot gaudir d’un petit trajècte fòrça emocionant e divertit. Siguec un dia plen de boni moments!
En projècte de bòsc aprofitam eth paisatge nheuat entà trabalhar es poligòns e estats dera aigua. Entà acabar toti heren pipòts de nhèu.
Er escolanat de Cicle Superior dera ZER an hèt ues practiques sus eth rescat per lauègi ena nhèu.
Eth diuendres 1 de març, era equipa de “Ternua” hec ua charrada de geologia ar escolanat peth geològ; ” Eñaut Izaguirre”,en tot meter-la en practica en Orri. A estat ua jornada plan interessanta!
Era mainadèra d’Educacion Infantila e Cicle Iniciau an començat eth projècte; “ENFAUNA’T”, ua prepausa educatiua e participatiua tamb escolans/es de diferentes escòles des Pirinèus, tamb era collaboracion d’entitats deth territòri entà identificar per miei deth “fototrampeig” era fauna propèra ath centre educatiu e contribuir tamb eth seguiment de mamifèrs de Catalonha que realize eth grop Felis (ICHN). Mos ensenhèren coma foncione ua camerà e ara seguida la meterem ben amagada. Ja vos ensenharam quini animaus gessen enes imatges… .
Ja auem tornat as gessudes entath bòsc! Pendent aguestes dues setmanes realizaram diuèrses activitats tamb toti es escolans/es.
Aguest dimèrcles, era mainadèra d’Educacion Infantila e Cicle Iniciau an aprenut fòrça sus es peades des animaus tamb es agents de Mèdi Ambient.
Es escolans/es de Cicle Miei e Cicle Superior an hèt minjaders entàs audèths e les an deishat enes arbes entà que se poguen neurir.
