Deth 14 ath 22 d’octobre s’organizen activitats restacades tamb era setmana BIO tamb er objectiu de promòir e conéisher era produccion e era alimentacion ecologica. Era AFA expliquèc ara mainadèra era importància d’auer ues bones abitudes tamb era alimentacion en tot premanir er esdejoar tamb un talhèr de broquetes de fruta e uns doci hèti tamb pasta de huelha, chicolate, marmelada e semes. Tanben apreneren coma se hè chuc de poma BIO.
Eduard Martínez, Biologista tamb era especialitat d’ornitològ, mos aufric ua activitat entà conéisher d’apròp es principaus caracteristiques des audèths. Aprenérem fòrça e siguec fòrça interessant.
Es dies 3, 11 e 16 d’octobre es escolans/es de primària, per cicles, heren era gessuda a Montgarri. Participèren es agents de medi ambient a on les expliquèren e ensenhèren imatges des diuèrsi animaus qu’abiten ena Val d’Aran e des sues caracteristiques principaus. Passèren un dia plan beròi, gaudint deth paisatge e der entorn.
Aué er escolanat de Cicle Miei e Cicle Superior an gaudit tamb era visita deth bus: Creativity dera Caixa, a on era mainadèra an pogut experimentar tamb era gravetat, es circuits electrics e era pression atmosferica . Tanben an elaborat es sòns cuertmetratges a trauès de fòtos tamb eth programa “Slow Motion”.
Pendent aguesta setmana auem realizat activitats en tot trabalhar era classificacion des animaus, es sues caracteristiques e parts deth còs a compdar d’ues imatges que s’an despartit as diuèrsi grops internivèus a on era mainadèra auie d’anar hènt preguntes entà endonviar er animau. An mostrat interès e curiositat pes animaus der entorn propèr.
Eth grop de Cicle Superior tanben a trabalhat era superficia a trauès des cabanes bastides.
Aguesta setmana auem començat a trabalhar es animaus. Auem vist animaus invertebradi e vertebradi e auem trapat fòrça tralhs.
Aguesta setmana auem endegat eth projècte de centre, en tot connectar ar escolanat damb er entorn a trauèrs d’activitats sensoriaus e artistiques.
Eth dijaus 22 de junh siguec eth darrèr dia de cors!
Se hestegèc era despedida des escolans e escolanes de 6au. de tota era ZER tamb ua olimpiada e dempús a nivèu de centre se hèc un dinar amassa entà despedir as nòsti escolans/es e eth cors.
Ara vos desiram un bon ostiu en tot agarrar fòrces tath nau cors escolar 2023-24!!!
Ua abraçada a toti e totes!!
Pendent era darrera setmana de cors er escolanat dera escòla an hèt diuèrses activitats internivèus.
Programa:
Deluns 19 hèren escòla de bòsc
Dimars 20 hèren piscina
Dimèrcles 21 hèren ua ginkana premanida e organizada per toti es escolans/es de primària
Dijaus 22 hèren era despedida des escolans/es de 6au. en tot amassar-mos tota era ZER (escolans/es e mèstres) en Salardú. Se premanic ua Olimpiada des dera ZER a on tot er escolanat s’ac passèc molt ben!
Pendent era darrèra setmana anèrem tà Bagergue, ara bòrda dera Lana entà realizar diuèrses activitats tamb dus somèrs; Lulú e Ardi.
Era mainadèra participèc en tot premanir eth minjar 🥕🍏, passèren era bròssa en tot hèr reflexions, cerquèren flors ,liegeren un tèxte…. .Tot un conjunt d’activitats emocionants a on apreneren e coneisheren es sues caracteristiques, eth sòn comportament e tota era atencion qu’an de besonh.
Fin finau, diboishèren en solèr tot çò qu’auien experimentat e sentut 🎨. Gràcies;Omaira Valiente, Natalia Herrera e sustot a tu Martina Arruabarrena, pera iniciatiua d’aguest projècte e per deishar-mos apropar a d’aguesti animaus tan intelligenti.
GRÀCIES !
