Precaucions ena hèsta deth Taro
Aguesti dies auem recebut era visita des membres dera Associacion Amics deth Taro, qu’an vengut ara escòla entà explicar-mos fòrça causes interessantes sus ua des hèstes mès importantes deth nòste pòble.
Pendent era charrada, mos an parlat des consideracions e mesures de seguretat que cau tier presents eth dia dera cremada deth Taro. Mos an explicat coma cau anar vestidi entà protegir-mos deth huec, era importància de portar ròba e calçat adequadi, de mantier ua distància prudenta e de seguir tostemp es indicacions des adults e dera organizacion.
Tanben mos an rebrembat qu’ei fòrça important èster prudents, esvitar cremades e gaudir dera hèsta damb responsabilitat, entà que toti pogam víuer aguest moment tan especiau damb seguretat.
Volem arregraïr fòrça era visita dera Associacion Amics deth Taro e eth temps que mos an dedicat. Gràcies as sues explicacions, ara coneishem fòrça melhor era nòsta tradicion e sabem coma participar-i damb seguretat e responsabilitat.
