Era Zòna Escolar Rurau Val d’Aran ei compausada per quate centres escolars publics enes que s’impartís Educacion Infantila e Educacion Primària:
- Escòla Ruda (Salardú).
- Escòla Sant Martin (Gessa).
- Escòla Loseron (Arties).
- Escòla Castèth-Leon (Es Bòrdes).
Era sedença dera ZER ei plaçada en Escòla Loseron d’Arties.
Es trets indicadors dera ZER son:
- Impolsar un projècte educatiu plurilingüe en qu´er aranés sigue er eish vertebrador des autes lengües, airaus e comunicacions sociaus.
- Dinamizar accions educatiues en lengües estrangères enes diuèrsi airaus.
- Desvolopar era competéncia digitau en toti es nivèus educatius.
- Desplegar es airaus deth curriculum en tot establir com finalitat centrau era adquisicion des competéncies basiques der escolanat.
- Assolir boni nivèus escolars d´expression orau e escrita, agilitat en càlcul, resolucion de problemes e autonomia d´aprenedissatge.
- Apregondir en coneishement der entorn naturau, sociau e culturau deth parçan.
- Integrar continguts vinculadi ara coeducacion, conviuença, ciutadania, educacion ambientau, salut, comunicacion audiovisuaus, accès ara informacion e gust pera lectura.
- Consolidar era escolarizacion inclusiva der escolanat en tot atier es sòns besonhs educatius e priorizar era maxima participacion de toti es escolans enes entorns escolars ordinaris.
- Signar era carta de compromis educatiu tamb era familha entà milhorar era educacion des nòsti escolans.
- Aplicar mesures entara deteccion precòç des escolans damb dificultats d’aprenedissatge o damb nautes capacitats, era sua adeqüada atencion metodologica e personalizada.
- Organizar es recorsi umans entà dedicar-les, parcialment as besonhs des escolans.