Hèsta de fin de cors organizada pera AFA
Entà barrar aguest cors d’ua manèra fòrça especiau, era AFA organizèc un dinar de fin de cors entà amassar tota era comunitat educativa, acomiadar-mos e desirar-mos un bon estiu.
Ath long dera jornada, a mès deth dinar compartit, es mainatges poderen gaudir d’uns holables, a on s’ac passèren fòrça ben en tot sautar e jogar damb es sòns companhs e companhes. Entà acabar eth dia d’ua manèra fòrça refrescanta e divertida, celebrèrem ua grana hèsta dera esgluma, que siguec un des moments mès demoradi e gaudidi per toti.
Es emocions tanben sigueren protagonistes. Es alumnes de 5au premaniren un beròi balh, que compartiren damb fòrça illusion, e es de 6au mos emocionèren en tot cantar ua cançon d’acomiadament, damb era qu’an barrat era sua etapa ena nòsta escòla.
Coma rebrembe d’aguesti ans e entà desirar-les fòrça sòrt ena naua etapa que començaràn ena ESO, se les hec un present que, de segur, les serà fòrça util en aguest nau camin.
Volem arregraïr fòrça ara AFA era organizacion d’aguesta jornada e eth sòn esfòrç entà hèr possible un dia plen de convivéncia, alegria e boni rebrembes.
Bon estiu a toti e enquia eth cors que ven! ☀️💦
