Eth materiau fungible des escolans/es ei centralitzat en nòste Centre hè fòrça ans. Aquerò s’acordèc entà balhar un servici as pairs/mairs e sajar d’estauviar ena crompa d’aguest materiau. Era AFA crube ua quòta de materiau per escolan/a e damb aguesti sòs e damb auti que balhe er Ajuntament cada an se crompe tot tipe de materiau tàs escolans: caièrs, fòlis, tinta, pintures, plastelina, materiau entàs hèstes: magràs, castanhada, nadau, mòna…, hestivaus: muraus e decoracion…, manualitats entàs dies especiaus…., materiaus entàs experiments, plastificacion de materiaus, fotocòpies…
Balham compdes d’aguest materiau e de totes es autes despenes der estudi cada an en Conselh Escolar . Era comission economica campe aguestes factures e apròve er estat des compdes der estudi.
Enes amassades d’inici de cors de cada classa se comentarà eth materiau que cau segontes era edat des escolans/es.
