Era Olimpiada dera ZER: ua jornada fòrça especiau entà barrar eth cors
Eth passat dia hestegèrem ua jornada fòrça especiau damb tota era mainadèra dera ZER entà celebrar eth finau de cors. Amassa participèrem en ua Olimpiada organizada damb fòrça jòcs cooperatius, activitats esportives e fòrça pròves entà trabalhar en equipa, ajudar-mos e, sustot, passar-mos-ac plan ben.
Era jornada siguec plena d’arridolets, companherisme e moments fòrça divertidi. Entà hèr passar mielhor era calor, tanben i auec jòcs damb aigua, que heren un des moments mès esperadi e gaudidi per toti.
Aprofitèrem aguesta trobada entà hèr un acomiadament fòrça especiau ara mainadèra de 6au de Primària, qu’eth cors que ven començaràn ua naua etapa ena ESO. Coma rebrembe de toti es ans que an compartit damb era ZER, les regalèrem ua samarreta commemorativa, un petit present entà rebrembar toti es moments viudi, es amistats hètes e es experiéncies compartides.
Desiram fòrça sòrt as nòsti alumnes de 6au en aguesta naua aventura e demoram que guardèn fòrça boni rebrembes deth sòn pas pera ZER.
Bon estiu a toti e enquia eth cors que ven!
