Era mainadèra de cicle superior visitèc hè uns dies era bibliotèca de Vielha e eth Musèu dera Val d’Aran, en tot aprigondir en projècte “Aran-Garona-Occitània”, qu’a coma objectius: promòir e difóner era lengua e cultura occitano-aranesa.
Ena bibliotèca podèrem aproximar-mos a bèri uns des autors qu’an escrit en aranés e, tanben, a bèth un qu’a escrit sus era Val d’Aran mès en d’autes lengües. Atau ei que vederen autors coma Pepita Caubet, Toni Escala, Francèsc Boya, Mn. Jusèp Condó….
Entà acabar, que Cristina Nart mos condèc un conde en occitan.
Dempús, anèrem tath musèu d’Aran. Aquiu que mos demoraue Carla e que mos hèc ua magnifica explicacion de coma era Val d’Aran a estat tostemp un territòri important, eth “Clavis Regni”, cridat en bèth moment dera istòria. E com damb er autrajament deth privilègi dera Querimònia, es aranesi milhoren eth sòn autogovèrn.
