Es escolans de 5au e 6au auem anat a visitar er ecomusèu Çò de Joanchiquet, ua casa tradicionau aranesa damb molta istòria. Aguesta activitat s’inclodís en nòste projècte “Aran-Garona-Occitània” qu’a, entre d’auti objectius, eth de dar a conèisher aspèctes dera casa e dera vida tradicionau aranesa.
Comencèrem en tot pujar a pè peth camin antic de Vilamòs, plen d’arbes damb colors de tardor. En arribar en pòble, Mònica, era tecnica deth musèu mos recebec e mos expliquèc es diuèrses estances dera casa. A mès, auem vist un pialèr d’objèctes e airines que s’emplegauen ena aquera epòca.
Un viatge ath passat, en tot apréner e veir coma a evolucionat era vida enquiara era actualitat.
