Eth dijaus, 20 d’abriu, es escolans e escolanes de cicle superior cerquèren un nòm entara sua empresa, ua consultoria miei ambientau, laguens del projecte FER (Futurs Emprenedors Ruraus).
Aguesta empresa respon ath rèpte qu’en sòn dia mos proposèc eth baile de Bossòst, Amador Marquès, que se referie ara grana despena economica en energia qu’auie eth municipi enes diuèrses bastisses. Ei per açò que mos demanaue era nòsta ajuda entà cercar solucions.
Un des prumèri passi, a estat era creacion d’ua empresa, entà cercar possibles energies que supossèsen un estauvi energetic.
Ara, aguesta empresa a un nòm, un logotip e un eslogan, que compartim damb toti vosati.
Nòm: Consultoria Ròc Ambientau
Eslogan: Eth mon sancer va a cercar energies naturaus. Se toti amassa participam, ath mon ajudaram! Truca a Ròc ambientau e t’aconselharà!
Un còp auem eth nòm e er eslogan, era mainadèra bastirà eth logotip dera empresa. Prumèr, an hèt un borronh en papèr e ara le digitalizaram. Le compartiram damb vosati un còp sigue acabat.
