Òla familhes,
Vos presentam ua naua activitat entà desvolopar eth gust pera lectura des vòsti hilhs e hilhes.
Era lectura ei era base entà bastir toti es aprendissatges. Ei per aquerò, que liéger ara mainadèra quan son petiti enfortís un vincle adult-mainatge/ada, entre d’autes causes, promò era sua imaginacion, era sua intelligéncia, desvolope era sua capacitat verbau, era sua concentracion, era sua memòria, era escota activa e enriquís eth sòn vocabulari.
A mès a mès, s’aguestes istòries son condades per persones propères ada eri, desvèlhe ua major emocion e eficàcia.
Ei per açò, que des dera comission mixta de bibliotèca vos presentam era activitat “Un conde entà toti” en tot convidar-vos a condar istòries o condes as companhs e companhes des vòsti hilhs e hilhes.
Vos i demoram!
