Aué dia 22 de hereuèr a arribat, puntuaument, eth Senhor Magràs entà remplir era setmana damb ordes divertides e un shinhau permissives respècte as normes abituaus coma per exemple: virar-se era ròba dera part de naut, arribar tara escòla damb ua sabata de cada manèra o damb pijama o damb eth cap ben decorat damb chapèus, pientats estravagants, pintat de colors o maquilhar-se es cares dera forma mès creativa.
Era tematica, Era fantasia, a estat escuelhuda ena Assamblea d’Infants. E era hèsta la dinamitzaram en tot trabalhar era lengua francesa enes ordes dera setmana, en moment deth judici quan parle Monsieur Carnaval, eca.
Eth dia 1 de març serà eth dia dera hèsta gran: rua pes carrèrs deth pòble, judici deth Senhor Magràs a cargue d’es escolans de 6au, espectacle “Talent Show” e vrespalh de chicolata aufrit pera AFA dera escòla on, segur que veiram, hades, holets, tròls, gnòms, elfòs, ninfes, sirenes, tritons, gigants, unicòrnis e personatges dera mitologia.
Vos seguiram informant…
