Eth passat diuendres siguec era entrega de prèmis dera fasa territoriau de Lhèida des XVIII Jòcs floraus escolars de Catalonha.
Es escolans de cicle superior participèren en tot escríuer enes categories de pròsa e poesïa e era mainadèra de 3au i participèc ena categoria audiovisuau, en tot hèr un conde illustrat. Toti an trabalhat fòrça e an après a valorar qu’aquerò important ei participar, hèr a volar era imaginacion e gaudir en tot crear cultura.
En tot campar eth vidèo dera entrega de prèmis, que per motiu dera pandèmia non a podut èster presenciau, auerem ua grana suspresa quan escotèrem qu’un grop d’escolans de cicle superior auie quedat prumèr prèmi en prosa e qu’eth conde d’Iranget realizat pes escolans de 3au auie quedat prumèr prèmi ena categoria de conde illustrat.
Acò vò díder que passam ara fasa generau de Catalonha com a prumèrs dera província de Lhèida, a on competiram damb es prumèrs prèmis des autes províncies de Catalonha. Ja vos anaram informant des resultats d’aguesta fasa.
Erosi e satisfèti pes boni resultats e per esfòrç des nòsti escolans, as que felicitam. Vos deisham er enlaç dera entrega de prèmis en Lhèida. Les encoratjam a contunhar escriuent e creant…. e crutzam es dits entà qu’era sòrt mos acompanhe ena fasa generau de Catalonha.
