Eth dijaus 18 de mai siguec un dia plen d’emocions. Pera tarde ena jornada de “Pòrtes dubèrtes” auèrem eth plaser de compartir damb era comunitat educativa, tot aquerò qu’auem trabalhat e aprenut pendent aguest cors 22/23. Veir era nòsta escòla plea de gent e ara mainadèra explicar tot aquerò aprenut a estat un plaser.
Totun, era tarde encara mos auie de portar mès suspreses. Tàs 18.00 ores mos connectèrem per videoconferéncia ara entrega de prèmis des “X Joc florals escolars” ena fasa territoriau de Lhèida. Era mainadèra en ua classa e es familhes en ua auta podèrem escotar com er escolanat de Cicle Miei quedauen prumèrs ena categoria de pròsa damb era òbra “Eth libre magic” e er escolanat de Cicle Superior ena de pròsa damb era òbra “Rebrembes d’ua vida”.
Fòrça felicitats a toti! Ara passam ara fasa estatau en Barcelona. A veir s’auem sòrt.
