Donques òc, aué dimars dia 11 d’octobre ena tarde, era mainadèra d’educacion infantila a hèt era gessuda dera sason dera tardor, estrategia que les ajude a compréner er entorn de manèra experimentau e méter en practica es coneishements aqueridi ena classa.
En tot pujar peth Camin dera Lana an observat eth paisatge, es cambis de colors, es fruts pròpris deth temps (codonhs, pomes, aurassi, aglans, nòdes, mòres, granhons, coges, …mès castanhes non!!) , bèth animalon que les volie acompanhar (abelha, parpalhòla, sautarèth,…), huelhes, flors e lordèra, massa lordèra qu’an arremassat entà suenhar es montanhes. D’aguesta forma, s’an encuedat qu’ei un problèma a resòlver entre toti.
Ara les classaràn ena Taula Sensoriau dera classa e les estudiaràn entà apréner eth maxim possible, com tostemp!!
