Era mainadèra d’Educacion Infantila auem hèt ua petita gessuda pes environs deth nòste entorn propèr, entà observar era tardor.
Auem arremassat huelhes, aglans, castanhes, bèth misharnon e bèra lordèra que mos auem trapat. Auem podut observar de ben apròp eth paisatge, es disparièrs tipes d’arbes qu’auem en nòste entorn, coma se diden, e lo mès polit de tot, auem podut compartir toti amassa eth nòste preciós entorn qu’auem ena Val d’Aran.
En aguestes gessudes ei un bon moment entà apréner a respectar eth miei naturau e coma l’auem de suenhar toti!!
Mos ac auem passat fòrça ben!
