Aué, 21 de noveme, es escolans e escolanes de cicle superior an vist per prumèr viatge ara mainadèra dera Calandreta Còsta Pavada de Toulouse. Auem realizat ua videoconferéncia e mos auem podut presentar. També mos auem agropat per parelhes d’escolans/es, un dera escòla Sant Ròc de Bossòst e un aute dera Calandreta Costa Pavada, entà poder escambiar correspondéncia.
Pendent aguesti dies, escriuram ues postaus de Nadau qu’enviaram tara Calandreta de Toulouse.
A estat ua experiéncia que mos a permetut de veir es similituds e diferéncies dera lengua occitana. Era mainadèra a valorat fòrça posituament poder auer contacte damb gent dera sua edat en lengua occitana.
Contunham en tot trabalhar, entà promòir e difóner era lengua occitano-aranesa.
