Aué dijaus dia 16 de març, mos a visitat ena escòla Eduardo, un emprenedor qu’a creat ua consultoria mieiambientau en territòri, que se ditz COMEI.
Li auem preparat ua entrevista, damb tot tipe de preguntes, entà extrèir informacion sus era sua experiéncia en mon des consultories, atau com, sus es tipes d’energies qu’eth assessore d’implantar enes diuèrses bastisses.
Auem extret fòrça informacion, que poderam aplicar en nòste estudi e posterior informe sus era nòsta escòla. Mos a explicat es diuèrses possibilitats qu’auem entà qu’eth nòste centre esdevengue mès sostenible.
Ara mos tòque méter-mos a trabalhar, poder realizar ua petita maqueta dera escòla en tot aportar idies entà milhorar era sua eficiéncia energetica e redactar eth nòste informe que balharam ath senyor baile.
Auem passat ua estona agradiua en tot apréner fòrça causes. Gràcies Eduardo!
Fòrça gràcies a vosati,
A estat un plaser compartir aguesta estona damb vosates e demori qu’age servit pr’amor que pogatz dessenhar un projècte de melhora energetica dera escòla e es bastisses de Bossòst