Aguest dimèrcles 31 de mai era mainadèra de cicle iniciau anèrem d’excursion tara Artiga de Lin. Agarrèrem eth bus tàs 9:00 ores e comencèrem eth nòste viatge. En Plan dera Artiga mos demorauen Yannick e Aran, es agents ruraus que mos acompanhèren e mos ensenhèren a descorbir e identificar rastres d’animaus en solèr e enes arbes. A mès a mès portèren ua caisha plan grana e plia de recorsi coma mapes dera Val d’Aran, pelatge de diuèrsi animaus (sanglièr, oelha, os, cèrvi,…), peades, huelhetons des diuèrsi tipe de bòsqui, eca.
Dempús der explic sus es diuèrses caracteristiques dera flòra e fauna der entorn, comencèrem era nòsta recerca. Siguec fòrça productiva dejà que trapèrem peades de cèrvi, misharnons, traucs de bohères e susprenentaments… PÈUS D’OS!!!! Fòrça gràcies Yannick e Aran pes explics e eth vòste acompanhament!
En acabar era recèrca e entà daurir era hame, èrem era ruta circulara començant en Pla dera Artiga enquiath saut d’aigua des Uelhs deth Joeu. Dinèrem ena zòna de picnic entà dempús poder jogar un shinhau per aquiu. Mos ac passèrem fòrça ben, ja pensam en tornar!
