Er alumnat d’Educacion Infantila, volem compartir damb toti vosati, aguesta experiéncia que mos acompanharà pendent tota era etapa.
Auem creat en cada aula, un cornèr dera calma.
Era idèa ei proporcionar ar escolanat estruments entà qu’aguesti poguen relaxar-se, arturar-se, pausar, contemplar, eca… Quan ac auràn de besonh.
En moment, que i a un mainatge o ua mainada que decidís anar, era mèstra, hè acompanhament entà hèr-les reflexionar e entà que pòc a pòc poguent començar-se a conéisher-se , observar-se e apréner a autoregular-se.
Eth materiau que podetz veir ena fotografia ei eth següent:
- Miralh
- Conde deth mònstre de colors.
- Pòts entà mèter bòles de colors, coma me senti en aquest moment.
- Ròda des emocions.
- Fotografies de paisatges que transmeten calma.
- Pilòta suau e “squishy”
- Bossa aromatizada.
- Maraca damb arròs laguens.
- Relòtge de sable.
E era idèa ei incorporar naui materiaus coma per exemple, emociomètre, targetes damb desparièrs situacions, que les passe a d’autes persones, e nosati auem de sajar cercar solucion ad aguest problèma, registre des emocions, eca.
Foncionament:
Abans de méter eth cornèr en foncionament ,se parlèc damb era mainadèra que ère, entà que servie e es nòrmes d’usatge.
Era idèa des mèstres ei trabalhar tres passi:
- Qu’a passat?
- Ara, coma ac veigui?
- Acòrd entà melhorar.
Trebalhant toti amassa, familha e escòla, ac podem arténher, toti podem mielhorar, apréner es uns des auti, damb esfòrç, paciéncia, estant dia a dia, e sustot trebalhant damb e pera mainadèra.
