Ath torn des quinze ores trenta menutes, era mainadèra dera escòla gessec a demorar era arribada deth patge reiau. Arribèc en ua pick-up vermelha en tot hèr a sonar era sirena deth veïcul.
Dempús des salutacions entrèrem ena sala polivalenta on tot ère prèst. Eth patge liegec un parlament e comencèrem damb era hèsta.
Aguest an auiem dues nauetats. Per un costat, es cartes. Auem cambiat er hèt de demanar obsequis per boni desirs. Un representant deth grop-classa compartic damb era rèsta des companhs/es eth desir escuelhut. E, per un aute costat, aguest cors dus poblants de Bossòst mos acompanhèren entà recitar poesies, en disparières lengües, damb acòrds de guitarra. Tot aquerò damb es nadales assajades pes escolans/es entara celebracion dera nòsta hèsta.
Er orde des actuacions siguec aquest:
- E.I.: Grilhonet
- Poesia: “La nit de Nadal” de Joana Raspall.
- C.I.: Pastorets e pastoretes.
- Poesia: “El camello cojito” de Gloria Fuertes.
- C.M.: Mi burrito sabanero.
- Poesia: “Bric, brac” de Pepita Caubet.
- C.S.: Torna a ser Nadal.
- Poesia: “Sense titol” de Albada Albages (Rocio)
Tà acabar era hèsta vrespalhèrem toti amassa gràcies ara collaboracion dera AFA dera escòla.
