Diuendres, dia 23 d’abriu, serà “Sant Jordi”: Eth dia dera Ròsa e deth Libre.
Des d’era escòla (grani e petiti) ac volem celebrar d’una manèra especiau. Hestejaram er “English Day” damb un pialèr d’activitats en lengua anglesa.
Are you ready…??
… Llegeix més»
Eth passat dimars 23 de març, es escolans/es de Cicle Superior aueren era oportunitat d’entrevistar ath Sr. Eisharc Jaquet, engenhaire e director dera empresa aranesa Arantec, especializada en dessenh d’aparelhs e sistèmes complèts entath miei ambient e Smart Cities.
Eth hèt de compdar damb era sua aportacion, coma exemple d´emprenedoria laguens deth territòri, permetèc orientar as escolans/es en sòn projecte d’escòla; basat en bastir era sua pròpria empresa damb er objectiu d’ajudar ar ajuntament de Bossòst a arténher un torisme mès sostenible. Aguest projècte bastit pendent tot eth cors per miei des seqüéncies didactiques de lengua e laguens dera participacion deth Programa d’Emprenedoria FER, permetrà, a finau de cors, presentar ua prepausa d’empresa ath nòste baile que pogue milhorar er objectiu principau basat en diversificar eth torisme que visite era nòsta localitat.
Des dera escòla, volem arregraïr era collaboracion d’Arantec damb eth nòste pojècte. Aprofitam tanben, entà dar-le es gràcies ath Sr. Eisharc per hèt de regalar ara escòla un aparelh entà mesurar era qualitat der aire e per tant hèr-mos encara mès conscienti deth besonh de ventilar es aules coma mesura entà lutar contra era Covid19.
Vos facilitam es vidèos qu’auem elaborat entà ajudar a arténher ua planeta mès sostenibla!
Es escolans de Cicle Superior èm sensibles damb eth miei ambient e mos preocupe era situacion limit ena que se trape era nòsta planeta tèrra.
Per aguest motiu pensam qu’ei de besonh conscienciar-mos damb er objectiu d’arténher ua planeta mès sostenibla e hèr arribar es nòstes… Llegeix més»
Promòir era sostenibilitat e sensibilitat peth miei ambient e er entorn naturau ei ua prioritat ena nòsta escòla e ac volem arténher per miei d’un modeu d’Escòla Verda en tot fomentar era implicacion dera comunitat educativa.
Aguesta implicacion damb eth desvolupament sostenible mos hè a trabalhar es Objectius mercadi ena “Agenda 2030” pera Assemblea Generau des Nacions Unides, basadi en acabar damb era pobresa, luitar contra era desigualtat e era injustícia, e frenar eth cambi climatic, entre d’auti.
Es escolans de Cicle Superior an participat en en ua prepausa de trabalh des ODS per miei des “STEAM tools”, es quaus permeten promòir eth desvolupament de vocacions cientifiques i tecnologiques.
Er Objectiu de desvolupament sostenible qu’auem trebalhat ei er “ODS 7: energia assequible e non contaminant”, basat en garantir er accés ua energia assequible, segura, sosenibla e moderna entà totes es persones.
Vos deisham ua mòstra deth trabalh hèt!
Érika Solé e Pau Codina, sigueren es escuelhudi coma representants entà participar enes semifinaus deth XVII Certamen de Lectura en Veu Alta.
Dempús d’ua finau fòrça disputada, a on era eleccion a estat plan dificila, Érika Solé a estat era seleccionada entre es escolans dera Ribagorça e Aran. Açò le da er accés entà passar ara fasa finau territoriau laguens dera categoria “Grumets vermelhs”.
En cicle superior, ena categoria “Grumets verds”e tot e hèr ua bona lectura, Pau Codina non a artenhut eth pas ara finau. Fòrça ben Pau!!!
Érika, te desiram tota era sòrt deth mon ena propèra etapa deth Certamen, era finau territoriau. Ànims!!
Eth dia 22 de març ei eth Dia Mundiau dera Aigua e era escòla ac vò celebrar.… Llegeix més»
Coma cada an, es escolans de cicle miei e superior auem escuelhut as representants que participaràn enes semifinaus deth XVII Certamen de Lectura en Veu Alta.
Era guanhadora de cicle miei ei Érika Solé e era finalista, Sandra Chacón. An liejut planes deth libre “La balada… Llegeix més»
Era nòsta participacion en programa LEADER per miei dera aventura FER, mos permet trabalhar e desvelhar eth talent emprenedor, era creativitat e era capacitat d’innovar deth nòste escolanat e per tan fomentar era confidança en eri madeishi, eth pensament critic e era capacitat de resòlver problèmes e aqueri naui rèptes que mos prepausam.
Per miei, dera mapa FER es escolans coneisheràn aqueres empreseses e emprenedors/es deth territòri catalan. Ath madeish temps podem introdusir es sectors economics e es parçans en Cicle Miei.
Ua activitat fòrça polida que tamben ajude a desvolupar eth pensament computacionau!
