Un an mès, en tot complementar er Espòrt Blanc damb d´auti contenguts restacadi damb era nhèu, auem hèt un cors de seguretat e lauegi amiat pes tecnics deth Centre de Lauegi d´Aran. Auem aprenut coma cau premanir ua gessuda ena montanha, eth materiau de besonh e ath delà, coma hèr ua recèrca en cas d´un […]

Un an mès, es escolans de Cicle Miei participen en programa Espòrt Blanc. Dempús d´un finau de gèr fòrça heired e tamb condicions meteorologiques un shinhau advèrses, sonque s´an pogut realizar dues des tres sessions de hons  previstes. Sajaram de recuperar era dusau session en acabar eth programa en mes de març!! 

Ua auta activitat enmarcada en projècte “Artistes deth passat”, siguec era visita ath museu dera Val d´Aran, eth passat 24 de gèr. Maugrat era nheu queiguda, i podèrem arribar. Era guida mos premanic un talhèr sus era civilizacion romana e era sua influéncia ena Val d´Aran. Siguec ua activitat fòrça polida e profitosa!

Pendent eth prumèr trimèstre auem descubèrt coma viuen es cargòlhs. Sabietz qu´aguest animau ei un invertebrat que forme part deth grop des molluscs?…. Auem montat un terrari entà representar eth sòn mèdi e, per grops, auem observat diariament eth sòn comportament. Fin finau, auem elaborat un murau damb es nòstes conclusions e les auem expausat

Eth passat dimèrcles, 16 de de gèr, es escolans de Cicle Miei visitèrem era bibliotèca de Vielha coma ua mès des activitats includides en projècte deth dusau trimèstre sus es etapes dera istòria. Era bibliotecària mos premanic ua seleccion de libres e ua petita recèrca que mos agradèc fòrça!