Eth dimars 18 d’octobre, er escolanat de cicle iniciau realizèc ua visita ara Bibliotèca de Vielha, entà conéisher-ne eth foncionament e organizacion, a mès a mès eth deluns 24 se celèbre eth dia des Bibliotèques. Ère eth prumèr viatge que bèth un des mainatges e mainades i anauen, degut a que pendent era pandèmia non l’auien podut visitar e sense dubte a estat ua plan bona experiéncia.
Cristina mos a explicat quina ei era sua faena, com foncione ua Bibliotèca e mos a ensenhat era sua distribucion. Seguidament, auem anat ara sala infantila qu’ei un espaci a on es mès petiti pòden gaudir dera lectura d’un pialèr de libres acòrd ara sua edat. Aquiu, mos a condat “Era fabrica d’etiquetes”, un conde illustrat que mos a semblat fòrça polit e auem jogat a endoviar endonvietes. Ei clar que non se mos a escapat ne ua responsa! Dempús auem huelhejat bèth libre que mos a cridat era atencion e, entà acabar, Cristina mos a premanit un amàs de libres de prèstec restacadi damb era setmana Bio e damb eth nòste projècte dera alimentacion saludabla e es productes de proximitat.
Aciu podetz veir ues fòtos dera nòsta gessuda:
Sense dubte a estat ua bona e profitosa gessuda, ja auem ganes d’auer eth nòste carnet dera Bibliotèca entà poder hèr eth prèstec de bèth un d’aqueri libres qu’auem podut veir e que tant mos an agradat!
