Es escolans de cicle miei aguest cors auem participat enes jòcs floraus escolars de Catalunya en dues categories. Ena de poesia e ena de conde illustrat.
En tot trabalhar era tematica deth bòsc, era natura e eth miei ambient, liegérem diuèrsi poemes, aprenérem a bastir rimes e fin finau ellaborèrem poemes collectius. Un d’aguesti poemes a passat ara fasa finau en tot representar a Lhèida.
Referent ath conde illustrat, en tot trabalhar es legendes e es personatges fantastics deth nòste entorn es escolans escuelhèren un personatge e es aventures que les passarien, escriueren eth guidon collectiuament e l’illustrèren. Eth conde de Marimonda a estat ua experiéncia fòrça enriquidora e motivadora entàs escolans e escolanes de cicle miei, a on an escrit, an recitat, an creat es paisatges e es personatges damb materiau deth bòsc e fin finau an editat eth vidèo. Era sòrt non mos a acompanhat e tot que passerèm era fasa comarcau, ena fasa territoriau de Lhèida non auem passat.
Mès aquerò important ei participar e tot aquerò qu’auem aprenut en aguest procès.
Aciu vos deisham era nòsta creacion
