Volem arregraïr ara familha Luna Navarro eth sòn compromís damb era escòla e eth mèdi ambient en tot dissenhar e fabricar ua compostadora damb materiau reciclat.
Eth passat diuendres dia 25 de març, Mateo Luna Navarro e Nehuén Luna Navarro, agents verds deth centre, mos hèren era entrega e presentacion d’aguesta.
Fòrça gràcies, familha!!. Ara prenem eth compromís de hèr-la productiva en tot organizar-mos es disparièrs cicles.
Coma escòla verda que èm, compromèsi damb eth mèdi ambient e damb fèrma voluntat entà contribusir a arténher es ODS, presents ena linha de centre, mos auem prepausat eth projècte deth uart sostenible entath cors 2022/23, en tot hèr eth procès circular d’aguest (semiar eth pròpri plantèr, gestion deth uart escolar e elaboracion deth compòst)
Coma ja sabetz, era aplicacion deth compòst incremente era salut deth solèr, en tot dar lòc a cultius mès saludables e rics en nutrients.
Gràcies ara matèria organica qu’apòrte, se’n beneficie era regeneracion deth solèr e s’incremente eth segrest de carbòni. Per tant, eth cicle dera matèria organica e era aplicacion ath sòlèr deth compòst afavorissen era economia circulara e era luta contra eth cambi climatic en tot ajudar a arténher es Objectius de Desvolupament Sostenible (ODS)
Era nòsta escòla participarà ena Setmana Internacionau deth Compòst 2022 que es celebrarà der 1 ath 7 de maig damb eth lèma: “Eth compòst: Entara regeneracion deth solèr”.
