Eth dia mundiau dera nhèu ei ua iniciativa des estacions d’esquí damb er objectiu de promòir es espòrts blancs. Se celèbre des deth 2007, quan era Federacion Internacionau d’Esquí escuelhec eth dia 19 de gèr entà animar a mès gent ena practica des espòrts d’iuèrn.
En aguesta celebracion participen 45 païsi damb mès de 400 activitats damb mainadèra e grops familiars coma principals protagonistes. Er esquiare dera Val d’Aran Pòl Tellosa (Freerider) a participat damb nosati en aguesta celebracion en tot enviar-nos un vidèo on mos convide a gaudir dera nhèu, mès tanben, a conscienciar-mos sus es perilhs des lauegi, des granes nheuades,.. e per tant a èster prudents.
Coma escòla verda qu’èm, aguesta celebracion la restacam damb er ODS 13 que parle sus era adopcion de mesures urgentes entà combàter eth cambi climatic e es sòns efèctes. Era nhèu ei fòrça beneficiosa entath miei ambient pr’amor que forme part deth cicle dera aigua de manèra qu’era nhèu que s’acumule pendent er iuèrn en zònes de montanha foncione coma un gran magazem d’aigua que s’aliberarà ena primauera damb eth des.gèu e que se despartirà enes lacs e arrius.
E nosati coma escòla plaçada ena Val d’Aran tanben volem collaborar en aguest ahèr. Entà acabar, era mainadèra a premanit uns floquets de nhèu entar arbe dera escòla.
