Es escolans de Cicle Superior èm sensibles damb eth miei ambient e mos preocupe era situacion limit ena que se trape era nòsta planeta tèrra.
Per aguest motiu pensam qu’ei de besonh conscienciar-mos damb er objectiu d’arténher ua planeta mès sostenibla e hèr arribar es nòstes prepauses ara comunitat educativa.
Ac auem hèt en tot trabalhar un des objectius de desvolupament sostenible (ODS) mercadi ena “Agenda 2030” pera Assemblea Generau des Nacions Unides”, concretament eth 7, basat en garantir er accés a ua energia assequible, segura, sostenible e moderna entà totes es persones.
En tot partir dera unitat de sciéncies, mos auem prepausat eth rèpte de milhorar era nòsta peada energetica. Entà hèr-lo, auem cercat informacion sus es energies renauibles, es non renauibles e es efèctes deth consum energetic en nòste planeta. Eth trabalh cooperatiu en petit grop mos a permès diversificar es ahèrs ena recèrca d’informacion e ena elaboracion d’un lapbook.
Fin finau, auem hèt era presentacion en tot editar un vidèo que mos a permès hèr-ne difusion! Es “STEAM tools” mos an ajudat entà arténher eth nòste producte finau.
Vos deisham un vidèo e imatges deth nòste procès.
