Entà finalizar era setmana Bio-digitau, eth passat deluns 19 d’octobre er escolanat de Cicle Miei anèrem entà Bausen a on poderem realizar dus talhèrs.
Eth prumèr siguec restacat damb eth procès de transformacion dera lan: des oelhes ath tricòt. Aquiu observèrem e participèrem en lauat dera lan, en cardat, en tintar e ena transformacion entà arténher er hiu que posteriorament se poirà emplegar entà tricotar. Autant, mos mostrèren es diuèrses formes de tricotar.
Londeman ena escòla hérem un aute talhèr de coser damb era lan.
En dusau talhèr visitèrem es uarts compartidi, ua experiéncia naua que s’inicièc en temps de confinament. Escotèrem es explics, arremassèrem truhes e plantèrem caulets.
Ua experiéncia fòrça interessanta e divertida!
Eth dia s’acabèc damb ua polida caminata pes camins reiaus deth Baish Aran en tot observar es colors dera tardor.
