Coma ei tradicion, quan arribe era tardor, eth dia 31 d’octobre celebram era hèsta dera castanhada ena escòla.
Aguest cors, prumèr de tot mos amassèrem toti ena sala polivalenta. I auie mainadèra vestida de castanhères, castanhèrs, gats, gates e gigants. Ara seguida es grani (6 au) representèren eth conde dera Castanhèra damb eth gat Marrameu e eth gigant deth Castanhèr en ua version originau e comica qu’agradèc a grani e petiti. Dempús dancèrem e cantèrem es cançons assajades enes sessions de musica. Aguestes sigueren es cançons:
-Educacion Infantila : “La castanyera”
-Cicle Iniciau: “El ball de la castanya”
-Cicle Miei: “La castanyada d’ en Rikus”
-Cicle Superior: “La castanyera Reggae”
En acabar de cantar e dançar, gessérem en pati entà hèr un jòc collectiu. Repartidi en grops inter-nivèus calie trapar castanhes e nòdes amagades entà formar ua paraula “secreta”. Coma non podie èster d’ auta manèra …CASTANHADA!!!
Fin finau, vrespalhèrem toti amassa grà cies as tupinets premanidi pera AFA dera escòla damb castanhes torrades e ametles “garrapinhades”. Visca es nòstes tradicions!!
