Quan arribe eth mes de mai, arribe un classic ena escòla: era celebracion dera setmana Steam (anacronisme de Sciéncia, Tecnologia. Engenharia, Art e Matematiques).
Cada dia dera setmana deth 18 ath 22 de mai auem premanit ua activitat restacada damb aguestes disciplines gràcies, en molti còps, ara collaboracion des familhes dera mainadèra e de persones expèrtes.
DELUNS 18
Experiment dera flotabilitat a on descorbim qu’es diferents objèctes flòten o non en foncion deth materiau e dera sua forma. Atau ac comprobam damb er exemple dera plastilina e deth papèr de plata.
DIMARS 19
Excursion entath CDA Camp d’Aprendissatge d’Esterri d’Àneu damb era activitat Es Guardians dera Primauera (traparatz un article en blòg d’Educacion Infantila dera web explicat detalhadament).
DIMÈRCLES 20
Calie superar uns rèptes d’engenharia en tot crear, en petit grop, un clauèr entà penjar es claus dera classa, un pòt entàs colors e un petit joièr entàs didaus.
DIJAUS 21
Mos visite Samantha, era mair d’ua mainada deth grop d’I4, entà desvolopar ua actitvitat artistica ben complèxa on es escolan/es gaudiren e demostrèren era sua capacitat d’atencion, de creativitat, de reflexion, d’analisi e de netitge…..
Gràcies Samantha!!
DIUENDRES 22
Eth darrèr dia dera setmana restaquèrem es matematiques damb era musica. Dulce e Cristian, es pairs d’un mainatge deth grop d’I5, mos aufriren un petit concèrt (canon de Pachelbel) damb un vriolin e violoncèu entà trabalhar eth concèpte “Greu e Agut” atau com eth valor des nòtes musicaus. Fin finau, era mainadèra participèc damb es musicaires e esturments de percussion en tot seguir es indiques.
Gràcies Dulce e Cristian!!
E atau acabèc era setmana Steam en infantila entà fomentar de manèra ludica era sua curiositat naturau, eth pensament critic e era creativitat des de ben petiti.
