Laguens dera Setmana Bio, es escolans e escolanes de cicle superior, an realizat tot un seguit d’activitats. Ua d’eres a estat era gessuda tàs banhs de Tredòs e era passejada pes bòsqui dera Val d’Aiguamòg, en tot observar, escotar e examinar eth nòste entorn.
Auem escotat diuèrsi audèths, damb era sòrt de poder veir ath “Rei petit” un des audèths que mès caracterizen ath territòri. Tanben, auem vist un petit esquirò, sauterejant d’un arbe entà un aute. Atau com, auem observat diuèrsi rastres en tot endonviar de quin animau poderien èster.
Ua jornada qu’acabèc en tot visitar eth camin dera Bruisha en Tredòs. Aguesta a estat plea d’aprendissatges, de complicitats, de moments divertidi, a on mainadèra e professorat auen gaudit der entorn e des nòstes montanhes en un paratge privilegiat com ei era val d’Aiguamòg.
