Combinacion explosiva!!
Era mainadèra d’educacion infantila comence eth prumèr experiment deth cors. Semble magia mès ei sciéncia. E eri ac saben.
Presentam es materiaus e iniciam ua convèrsa sus:
–glòbes de diferents colors: (blanc, ròsa, verd, blu), les holam (les remplim d’ aire damb era boca) ; materiau (eth latèx, ua especie de goma). Parlam sus es caracteristiques d’aguesta goma com que s’estire
–lupa ( la manipulen entà veir com ei eth veire. Non ei planèr senon qu’ei convèx)
-e solei. Hèm er experiment en pati. Eth solei mos da lum e calor.
Eri expausen es sues ipotèsis:
- “eth glòbe se virarà”
- “eth glòbe explotarà”
- “eth glòbe non explotarà”…
Verificam es resultats:
- eth glòbe blu fòrt explòte en 4”
- eth glòbe verd fòrt explòte e 24 ”
- eth glòbe ròsa floishet e eth glòbe blanc non explòten.
Ua imatge vau mès que mil paraules.
Aguest experiment illustre com era lupa concentre era lum deth solei en un punt, era temperatura puge rapidament ena superficia deth glòbe, se caue er aire que i a laguens e explòte.
Es glòbes de colors clars (blanc e ròsa floishet) non explòten pr’amor que reflectissen era màger part dera energia deth solei en lòc d’absorbir-la. Tot e non explotar, se les quede ua marca dera accion deth solei.
Profitam entà parlar sus era importància de vigilar en non deishar lordères quan vam tara montanha pr’amor que, bèth objècte que hesque de lupa, poirie provocar un incendi en bòsc.
