Era celebracion dera Setmana STEAM en educacion infantila deth 19 ath 23 de mai, comencèc deluns 19 damb era collaboracion deth chef Martín qu’ aufric ua experiéncia de Codina Moleculara.
Elaborèren :
- un aire e,
- gelat.
Apreneren paraules naues com acid, escenificacion, emulsionar, agarrar consisténcia,….
Se tracte de processi de quimica, encara que de viatges, semble magia… Sabíetz que se metem sau damb gèu, encara ei mès heired??
Damb paciéncia e temps, causa que non auem massa aué en dia, tot se pòt arténher.
Gràcies Martín!!
Dimars 20 ena tarde, Gema participèc damb era mainadèra en tot aportar es sòns sabers sus animaus. Aquerò mos anèc molt ben pr’amor qu’eth dusau `projècte d’aguest cors a estat “Descorbim es Animaus”. Podérem compartir damb era es nòsti descorbiments damb era mashina de “fototrampeig” e aprenguérem un pialèr de causes:
-animaus que caminen com nosati, animaus que caminen sus es dits, animaus que caminen sus es ungles,…
-animaus de 5 dits (os, lueira, marmòta enes pautes de darrèr; animaus de 4 dits ( lop on se pòden veir es ungles, gatilop on non se ven es ungles; marmòta enes pautes de deuant,…); animaus de 2 dits com er isard,…
Fin finau, heren era peada d’un animau escuelhut entà portar tà casa e le heren ua entrevista que penjaram en blòg de radio dera web dera escòla.
La voletz escotar?? La traparatz en apartat de Ràdio Sant Ròc Bossòst dera pagina web.
Gràcies Gema!!
Còrdes, còla, aquarelles,……en ua paraula art!! Dimèrcles 21 peth maitin ua mama, Samantha, amanic ua activitat artistica tar escolanat: foment dera autoexpression, desvolopament des abilitats motrius, estimulacion dera percepcion sensoriau, eca.
E ena tarde, ua auta mair, Dulce, les introdusic en mon dera musica: orquestra, esturments musicaus, ritme, qualitats deth son e elaboracion dera sua bagueta de director d’orquestra!!
Gràcies Samantha!!
Gràcies Dulce!!
Dijaus 22 siguec eth dia dedicat a Pòrtes Dubèrtes. Compartim damb tota era comunitat educativa tot çò qu’auem trabalhat e aprenut.
Gràcies a toti pera vòsta visita!!
E fin finau, diuendres 23, le dediquèrem as matematiques: un jòc QUIZ damb es tablets de calcul mentau en petiti grops entà avalorar es encerts e errors. Atau s’apren!!
Objectiu artenhut: auem desvelhat era curiositat dera mainadèra e auem fomentat eth pensament critic e era creativitat.
