Eth dia 22 de gèr ei Sant Vicenç, patron des escolans/es dera Val d’Aran.
Aguest cors era mainadèra ac celebrèc en tot escotar es explics des grani sus era origina dera hèsta segontes ac explique Joan Amades en sòn Costumari. Tostemp s’aprenen curiosiotats interessants dera nòsta istòria locau.
Ara seguida elaborèren era sua espada qu’eri ja saben que non ei tà lutar. Aguesta espada represente ath patron e ère com eth capitan des còlhes de, temps ère temps, ac hègen en pòble.
Gessérem a hèr un passavila e cantar era cançon tà compartir damb eth nòste entorn.
En arribar ena escòla ja ère moment de dinar toti amassa en tot desvolopar responsabilitats encuedant-se des sues causes e ajudant-se es uns as auti.
Ena tarde jòcs per nivèus en tot seguir pistes.
Fin finau, era hèsta acabèc damb un vrespalh aufrit pera AFA dera escòla. Moltes gràcies!!
E damb un shinhau de pena mès fòrça contents cridèrem VISCA SANT VICENÇ!!
