Era nòsta setmana bio comènce en tot conéisher es 17 ODS (Objectius de Desvolupament Sostenible) des quaus, en prumèr projècte, trabalharam eth 14 vida submarina e eth 15 vida d’ecosistèmes terrèstres.
Entà començar a consienciar-nos dera importància d’auer ua dieta saludabla en tot auer en compde es productes de proximitat, venguen dues representantes dera Escòla de Consum de Catalonha en tot realizar-mos un talhèr “Veig, veig… Quina botiga és?” Aprenerem fòrça sus coma son es botigues segontes eth producte que venen.
Pensèrem que serie interessant poder elaborar ua recèpta damb un producte de proximitat. Mos anèrem a cercar coges en un uart d’un vesin deth pòble. Coneisherem quini aliments podem auer enes nòsti uarts, siguec ua tarde fòrça profitosa.
En portar es coges ena classa pensèrem que poíriem hèr damb eres. Alavetz le demanèrem a un codinèr deth nòste pòble se poirie vier un dia e ensenhar-mos bèra recèpta damb aguest frut. E atau siguec, venguec Martín e l’ajudèrem a codinar ua crèma de coja e un pòstre “Muffins de coja e chicolate”. Dempús hèrem un tastet tot ère BONÍSSIM!
Entà acabar era nòsta setmana, anèrem a veir era granja de Yanick, eth mos expliquèc era importància d’auer es animaus en libertat pr’amor qu’es productes que s’obtien d’eri son de mès bona qualitat, coma per exemple era carn, es ueus,… Tanben mos ensenhec e mos deishec provar es arradïms e es pomes qu’a en sòn uart. Un dia anaram a vrespalhar!
Tota aguesta setmana a estat er inici deth nòste prumèr projècte, vos anaram informant! Solet mos quede dar es gràcies a toti es que mos auetz ajudat pendent aguesti dies.
Escolans e escolanes de cicle iniciau.
