Damb ganes de conéisher era natura e de trabalhar en equipa, era mainadèra d’Educacion Infantila a participat ena netitge deth uart dera escòla e a aprenut un pialèr de causes com es passi de besonh entath suenh deth terrenh, sus es aliments, creishement en responsabilitat sus era sostenibilitat e eth nòm des airines.
An contribuït en :
- limpiar era tèrra damb era ajuda d’ua shada e d’un rastret. De moment, sonque guardar, mès qui sap se bèth dia poiran desvolopar aguestes abilitats motrius
- tirar es residús ena compostadora
- enténer eth foncionament e importància dera compostadora e des vèrmes que i viuen
- conéisher eth plantèr d’iuèrn: beletarraba, carròtes, leituga, beletes, bròquil, caulet-flor, espinards, api, cebes,…
- saber se minjam era arraïc, era huelha o eth frut dera planta
- arrosar eth plantèr e era compostadora
- qué an de besonh es plantes entà víuer: solei, aigua e saus mineraus (que s’obtien dera compostadora)
Es escolans/es an acordat tréir es semes des tomates trapades en uart escolar, sauvar-les e semiar-les quan arribarà eth moment.
Gràcies Jaume per compartir aguesti aprendissatges damb nosati!!
