Eth diuendres 27 de seteme, mos visitèren Carla e Monica des Musèus dera Val d’Aran.
Portèren ua maleta pedagogica damb materiaus a on era mainadèra auie de descorbir damb quin mestièr èren restacadi.
Damb era ajuda d’ua presentacion, es escolans/es investiguèren qu’ei èster un minèr/èra, s’ací ena Val d’Aran i a mines, quina pellicula de Disney se dedique a d’aguest mon, se sonque i a minèrs o tanben i pòt auer minères, vestimenta d’abantes e d’ ara,….
En acabar, mos demanèren se volien seguir en tot investigar sus aguest tèma e convertir-se ena classa des minèrs e minères.
E toti responèren: ÒOOOOOOCCC!!!
Fòrça gràcies Carla e Monica per desvelhar aguest interès ena mainadèra e hèr a conéisher aguest mestièr qu’auie estat tant important en nòste pòble.
