Aué dimèrcles dia 29 de mai mos an visitat ues persones membres deth Parc Nacionau d’Aigüestòrtes e Estanh de Sant Maurici. A trauèrs deth pas des sasons, mos an ensenhat com ei era vida dera oelha. Damb era escenificacion deth conde d’ Assua ( ua mainada curiosa qu’ac vò saber tot, com es nòsti escolans/es), es sòns pairs-sénhers, eth canhòt Gossi, ues oelhes e era collaboracion dera mainadèra auem aprenut un pialèr de causes:
- en iuèrn es oelhes demoren enes prats deth costat deth pòble e pera net dromissen ena bòrda.
- ena primauèra pòden dromir en prat. Es sues caques son bones entà que possen es èrbes, son com ua vitamina. Ath finau dera sason, se les tone (talhe era lan) e se les hè ua marca. Entà poder emplegar era lan la cau lauar, pientar, convertir-la en hiu e tenhir-la de bèth color.
- en ostiu se barregen es oelhes de toti es pastors ena part nauta dera montanha. Com an era marca, non i aurà problèma entà reconeisher-les dempús. Normaument, se hè er 1 de juriòl. Un pastor demore damb eres damb un gancho entà agarrar-les dera pauta, un morralet entà portar es sues causes e un paraigües per se plò.
- ena tardor eth bestiar ja pòt baishar un aute còp. Eth dia dera tria sòl èster eth dia 29 de seteme, tà Sant Miquèu en un ahèr collaboratiu com auem hèt nosati.
Ara j’ac sabem tot tà poder èster pastors/es!!
Gràcies Ana e Maria, mos a shautat fòrça!!
