Er escolanat de cicle superior, pendent aguesti dies de seteme, a iniciat eth sòn prumèr projècte.
Siguec era bailessa de Bossòst, era senhora Montse de Burgos, qui lancèc eth rèpte: demanèc era collaboracion deth grop de cicle superior entà dinamizar eth “Casau sociau” deth municipi.
Era mainadèra, dempús de pensar de quina forma poderien ajudar, decidiren acceptar eth rèpte e meter-se a trabalhar entà “Compartir experiéncies e valors damb era nòsta gent grana” (qu’ei eth títol qu’an dat ath sòn projècte).
Eth pumèr pas d’aguest projècte, consistie en saber quini èren es besonhs e es caracteristiques d’aguest collectiu. Per aguest motiu, venguec tara escòla Miguel Cabrera, eth responsable dera residéncia Sant Antoni de Vielha, que mos introdusic en mon dera gent grana.
A compdar d’aguest moment, començam a trabalhar damb illusion e talents entà “compartir experiéncies damb era nòsta gent grana”.
Vos anaram condant com auance eth projècte!
