Eth passat dijaus, dia 1 de junh, es escolans e escolanes de CS presentèren eth sòn projècte: “Com esdevier ua escòla mès sostenibla” as organizadors deth Projècte FER. (Futurs Emprenedors Ruraus), ath baile de Bossòst, eth senhor Amador Marquès, a un tecnic de HEPIC, responsable deth coworking de Gausac, a un empresari e emprenedor de COMEI e a ua tecnica deth Conselh Generau d’Aran.
Pendent era sua exposicion, condèren com auien bastit era sua empresa, en aguest cas, ua consultoria miei ambientau cridada “Consultoria Ròc Ambientau” e quines èren es prepauses de milhora qu’eri volerien realizar ena escòla, entà auer ua major eficiéncia energetica e èster mès sostenibla. Aguestes prepauses, en forma d’experiments, tanben les auien plasmat en ua maqueta dera escòla.
Es escolans recebèren dempús uns diplomes en reconeishement peth sòn projècte.
Aciu vos deisham quini sigueren:
