Aguest deluns e dimars er escolanat de cicle miei anèrem entath camp d’aprendissatge dera Val de Boí.
Aquiu realizèrem disparières activitats restacades damb eth projècte trabalhat ena escòla. Eth prumèr dia peth maitin, hérem un talhèr en arriu “Noguera del Tor” entà saber se era trueita pòt víuer en aguest arriu. Analizèrem diuèrsi factors com era temperatura dera aigua, era velocitat, es sues caracteristiques…
Pera tarde realizèrem un talhèr sus aparelhs meteorologics entà saber com foncionen. Tanben mos ensenhèren a fabricar-ne damb materiaus recicladi, entà poder hèr-ne bèth un entath nòste uart.
Eth dimars pugèrem entath Parc Nacionau d’Aigüestortes a on en tot passejar, escotar legendes e explics scientifics, cercar rastres d’animaus, escotar e observar er entorn, descorbirem tota era vida que i a en Parc Nacionau e era importància de protegir-lo.
Tanben auerem temps de léser entà poder passejar per Barruera e jogar enes sòns parcs.
Vos deisham ues fòtos entà que veigatz lo ben que mos ac auem passat a mès d’apréner fòrça causes!
