Com qu’auem trabalhat era foncion de nutricion e auem aprenut qu’eth nòste còs a de besonh nutrients balhadi pes aliments, auem pensat que poderie èster interessant comprobar era existéncia de bèri d’aguesti nutrients com er amidon.
Podem díder qu’ei un glúcid o idrat de carbòni que contien es aliments de procedéncia vegetau. Per tant non se n’a de trapar en aliments proteïcs.
Er amidon a era caracteristica de qu’es sues molecules reaccionen, s’entrelacen, damb es deth iòde quan toti dus elements se barregen. Aquerò hè qu’eth color iniciau deth iòde, ataronjat o marronós, se torne lila escur o nere en contacte damb er amidon.
Prumèr, auem ramplit ua taula en tot hèr ipòtesis sus se es aliments qu’auíem portauen o non amidon. Dempús, les auem barrejat damb er amidon e auem demorat era sua reaccion. Un còp hèta, auem comparat eth resultat damb es nòstes prediccions.
Auem arribat ara conclusion qu’es aliments que non an reaccionat pertien ath grop des frutes, làctics e proteïnes. 
