Er escolanat de cicle iniciau anèrem a investigar peth pòble en tot cercar aliments e productes de proximitat enes botigues de Bossòst. Visitèrem fòrça botigues e trapèrem productes hèti ena Val d’Aran e tanben productes BIO. Prenèrem nòta de toti es aliments de proximitat e damb aguesta informacion, poiram crear un mapa en tot localizar es botigues entà qu’es mès petiti dera escòla poguen hèr a servir es Bee-boots.
Entà acabar eth dia, Leo mos ensenhèc eth sòn uart e mos mostrèc quini aliments cultive. Mos expliquèc a on acostume a semiar cada causa e, com ara i a fòrça aliments que ja a arremassat, mos convidèc a tornar en primauera entà veir com a creishut. Tanben, dèrem de minjar as garies e l’ajuderem a arremassar bères mongetes e bères tomates que ja èren madures. Es alumnes elaborèren un planòl d’aguest uart en petiti grops en tot senhalizar a on i auie cada causa, atau quan tornaràn saberàn en quin lòc i a cada causa.
