Pendent tota aguesta setmana es mainatges e mainades de cicle miei auem realizat diuèrses activitats ath long dera setmana Bio.
Eth deluns pugèrem enquia Bagergue entà visitar era Hormatgeria Tarrau. Aquiu Tònho mos expliquèc coma elabòre es sòns hormatges artesanaus damb era lèit de vaques deth Pirinèu.
Eth dimars en parelhes creèrem ua petita istòria restacada damb es uarts e productes de proximitat damb eth programa de pensament computacionau “Scratch”. Pera tarde transplantèrem es jardinères apairinades peth nòste cicle damb plantes aromatiques e semièrem per prumèr còp eth nòste uart, acompanhats peth nòste mentor.
Eth dimèrcles premanirem en petiti grops damb eth programa Genially ua presentacion sus es productes de proximitat que trapam ena Val d’Aran.
Eth dijaus participèrem ena jornada ludica “Scratch day” en marc dera Codeweek 2022 a on mos prepausèren eth rèpte: “Generam frases divertides.”
Eth diuendres realizèrem un talhèr sus es aliments ecologics a on mos expliquèren es 10 rasons entà consumir aliments ecologics de proximitat e realizèrem uns jòcs entà practicar-lo.
Siguec ua setmana fòrça interessanta e divertida, a on a trauèrs de disparières activitats, auem aprenut era importància d’èster ciutadans e ciutadanes respectuòsi damb eth nòste entorn e préner consciéncia sus es beneficis dera agricultura, ramaderia e aliments ecologics e de proximitat.
A continuacion auetz un recuelh d’imatges des activitats realizades.
